Marrëdhëniet sociale dhe ndikimi i bashkëmoshatarëve janë faktor shumë të rëndësishëm dhe ndikues përgjatë jetës shkollore. Në të shumtën e rasteve, marrëdhëniet e krijuara ndikojnë në mënyrën sesi fëmijët ndihen, sa të motivuar janë dhe formësojnë qëndrimet e tyre ndaj mjedisit akademik.Përkatësia në shkollë formohet nga lidhjet e ngushta, që nxisin angazhimin dhe shoqërohen me pasoja pozitive psiko-sociale.
Marrëdhëniet e shëndetshme duhet të nxiten vazhdimisht nga mësuesit dhe prindërit. Kjo mund të arrihet duke ndihmuar nxënësit që të eksplorojnë cilësitë e tyre dhe të zhvillojnë vetëbesim. Mësuesit mund të ndërmarrin aktivitete, duke sugjeruar që secili nxënës të bindë auditorin që të bëhet mik i tij/saj . Gjatë këtij proçesi, personi përpiqet të gjejë cilësitë e tij më të mira dhe gjithashtu i lejon të tjerët të njihen me to . Duke qënë se nxënësit janë duke bindur të tjerët dhe duke reklamuar veten, atëherë është e natyrshme që do të mendojnë sa më shumë pozitivisht për atë që janë.
Nëse fëmijët nuk arrijnë që të vetëshprehen, audienca mund të marrë pjesë në këtë aktivitet me qëllim që ta nxisë atë. Ky ndërveprim shërben si një nxitje për të krijuar një vetëvlerësim të lartë.